Pasuria bashkëshortore ka statusin e regjimeve pasuror martesor ne bashkësisë ligjore e cila zbatohet kur bashkëshortët nuk kane lidhur kontrate për regjim tjetër pasuror martesor. Ky rregjim i pasurise bashkeshortore eshte i sanksionuar ne Kodin e Familjes, konkretisht ne nenet 73-108.
Bashkësia përbëhet nga:
a) pasuria e fituar nga te dy bashkëshortët, se bashku ose veç e veç, gjate martesës;
b) te ardhurat nga veprimtaria e veçante e çdo bashkëshorti gjate martesës, nëse nuk janë
konsumuar deri ne mbarimin e bashkëpronësisë;
c) frytet e pasurisë se çdo bashkëshorti, qe janë marre dhe nuk janë konsumuar deri ne mbarimin e bashkëpronësisë; veprimtaria tregtare e krijuar gjate martesës.
Ne rast se veprimtaria tregtare para lidhjes se martesës i përkiste vetëm njërit prej bashkëshortëve, por gjate martesës drejtohet nga te dy bashkëshortët, bashkësia përfshin vetëm fitimet dhe shtimin e prodhimit.
Pasuria e caktuar për administrimin e veprimtarisë tregtare
Pasuria e krijuar gjate martesës, e caktuar për administrimin e veprimtarisë tregtare te njërit prej bashkëshortëve dhe shtesat e prodhimit te saj janë objekt i bashkëpronësisë vetëm nëse ekzistojnë si te tilla ne çastin e mbarimit te martesës.
Pasuria e bashkëshortëve prezumohet si e përbashkët, me përjashtim te rastit kur bashkëshorti provon karakterin e saj vetjak.
Pasuria vetjake
Pasuri vetjake e bashkëshortit qe nuk bën pjese ne bashkësi është:
a) pasuria, e cila para lidhjes se martesës ishte ne bashkëpronësi te bashkëshortit me persona te tjerë ose kundrejt se cilës ai ishte titullar i një te drejte reale përdorimi;
b) pasuria e fituar gjate martesës me ane te dhurimit, te trashëgimisë ose lekut, kur ne aktin e dhurimit ose ne testament nuk përcaktohet se ato janë dhënë ne favor te bashkësisë;
c) pasuritë e përdorimit ngushtësisht vetjak te secilit bashkëshort dhe pasuritë e fituara si aksesore te pasurisë vetjake;
ç) mjetet e nevojshme te punës për ushtrimin e profesionit te njërit prej bashkëshortëve, përveç atyre qe janë caktuar për administrimin e një veprimtarie tregtare;
d) pasuria e fituar nga shpërblimi i demit vetjak, me përjashtim te te ardhurave qe rrjedhin nga pensioni i fituar për shkak te humbjes se pjesshme ose te plote te aftësisë për pune;
dh) pasuria e fituar nga tjetërsimi i pasurive vetjake te sipërpërmendura;
e) shkëmbimi i tyre, kur kjo është deklaruar shprehimisht ne aktin e blerjes.
Bashkësia mund te përfitojë kompensim, pas mbarimit te saj, për te ardhurat dhe pasuritë qe bashkëshorti ka neglizhuar te marre ose për ato qe ai ka shpenzuar ne keqbesim.
Kërkesa për kompensim duhet te paraqitet nga bashkëshorti i interesuar para mbarimit te procedurës te ndarjes se pasurisë.
E drejta e kompensimit
Pasuria e fituar ne shkëmbim te një pasurie, e cila i përkiste individualisht njërit prej bashkëshortëve, është pasuri vetjake, me përjashtim te kompensimit qe i behet bashkësisë ose e kundërta, kur nga shkëmbimi rezulton te tete diferenca.
Nëse diferenca ne ngarkim te bashkësisë është me e madhe se vlera e pasurisë vetjake te tjetërsuar, pasuria e fituar ne këtë shkëmbim i përket bashkësisë, përveç kompensimit ne favor te pasurisë vetjake te bashkëshortit.
Te ardhurat e përfituara, si pasoje e një ankandi ose forme tjetër, te një pasurie te paluajtshme, ku njeri nga bashkëshortët është bashkëpronar ne pjese te pandare, nuk përbën pasuri te fituar gjate martesës. me përjashtim te kompensimit qe duhet t’i behet bashkësisë për shpenzimin qe ajo ka bere.
Detyrimet mbi bashkësinë
Bashkëshortët përgjigjen mbi pasurinë ne bashkësi:
a) për te gjitha barrët dhe detyrimet qe rendojnë mbi ta ne çastin e fitimit te pronësisë
b) për te gjitha shpenzimet e administrimit te pasurisë se përbashkët;
c) për te gjitha shpenzimet për mbajtjen e familjes dhe për çdo detyrim te kontraktuar nga
bashkëshortët, qofte dhe veçmas, qe është ne interes te familjes;
ç) për çdo detyrim tjetër kontraktues ose jokontraktues, me përjashtim te detyrimeve te përcaktuara si vetjake ne këtë Kod.
Detyrimet qe bashkëshortët kane para lidhjes se martesës ose qe rendojnë trashëgimitë dhe dhurimet qe fitojnë gjate martesës mbeten detyrime vetjake.
Kreditoret e bashkëshortit, ne rastin e nenit 82, mund t’i kërkojnë pagesat e tyre fillimisht mbi pasurinë vetjake dhe te ardhurat e bashkëshortit debitor.
Ata mund te kërkojnë dhe vënien sekuestro mbi pasurinë e bashkësisë, atehere kur pasuritë e luajtshme qe i përkasin debitorit te tyre datën e lidhjes se martesës ose qe i fitojnë me trashëgimi ose me dhurim janë përzier me pasurinë ne bashkësi dhe nuk mund te identifikohen, sipas këtij Kodi.
Bashkëshortët përgjigjen mbi pasurinë ne bashkësi deri ne gjysmën e vlerës se saj, kundrejt
kreditoreve vetjake te çdo bashkëshorti, kur pasuria vetjake e tij nuk mjafton për përmbushjen e:
a) detyrimeve qe ai ka marre përsipër vetëm për administrimin e pasurisë ne bashkësi, jashtë kufijve te tagrave te tij te administrimit;
b) detyrimeve te tij vet jake, cilido qofte çasti i lindjes se tyre.
Paragrafi i mësipërm nuk zbatohet, nëse ka pasur mashtrim nga bashkëshorti debitor dhe keqbesim nga kreditori.
Ne rast se detyrimi vetjak i njërit bashkëshort është shlyer nga bashkësia, ai detyrohet te beje kompensimin e bashkësisë.
Te ardhurat vetjake te një bashkëshorti nuk mund te preken nga kreditoret e bashkëshortit tjetër, vetëm nëse detyrimi ka qene i kontraktuar për mirëmbajtjen e banesës dhe te familjes.
Detyrimet e kontraktuara veçmas nga bashkëshortët
Ne rastin kur detyrimi është kontraktuar ne interesin vetjak te njërit prej bashkëshortëve dhe ai është shlyer nga pasuria ne bashkësi, bashkëshorti përfitues detyrohet te beje kompensimin e bashkësisë.
Ne rast se nga pasuria ne bashkësi janë paguar gjoba ose dëmshpërblime, për te cilat është detyruar njeri prej bashkëshortëve për shkak te një dënimi penal ose administrativ, ai detyrohet te kompensoje pasurinë ne bashkësi.
Bashkësia ka te drejtën për kompensim nëse detyrimi qe bashkësia ka shlyer ishte kontraktuar nga njeri prej bashkëshortëve ne kundërshtim me detyrimet qe i imponon martesa.
Detyrimet solidare te bashkëshortëve me pasurinë ne bashkësi
Kur një detyrim vjen ne bashkësi për shkak te njërit bashkëshort, ai nuk mund te kërkohet mbi pasuritë vetjake te bashkëshortit tjetër. Nëse ka detyrime solidare te te dy bashkëshortëve, ai mund te kërkohet mbi pasurinë ne bashkësi.
Administrimi i bashkësisë
Secili bashkëshort ka te drejtën e administrimit te zakonshëm te pasurisë ne bashkësi. Secili bashkëshort është përfaqësues ligjor edhe i bashkëshortit tjetër përpara organeve administrative dhe gjyqësore për çështje qe kane te bëjnë me administrimin e zakonshëm te pasurisë ne bashkësi.
Kryerja e veprimeve qe kapërcejnë administrimin e zakonshëm u takon bashkërisht te dy bashkëshortëve.
Administrimi nga një bashkëshort
Ne rast largësie ose pengese tjetër te njërit bashkëshort dhe ne mungese te prokurës ose autorizimit te gjykatës, bashkëshorti tjetër mund te kryeje veprimet qe janë te nevojshme edhe ne rastin kur kërkohet pëlqimi i te dy bashkëshortëve, sipas nenit 90 te këtij Kodi.
Refuzimi i pëlqimit
Nëse njeri prej bashkëshortëve refuzon te japë pëlqimin për kryerjen e një veprimi te administrimit te jashtëzakonshëm ose për veprime te tjera, për te cilat kërkohet pëlqimi, bashkëshorti tjetër mund t’i drejtohet gjykatës për te marre autorizimin.
Gjykata vendos dhënien e autorizimit kur kryerja e veprimit është e nevojshme për interesa te familjes ose te veprimtarisë tregtare qe bën pjese ne bashkësi.
Zëvendësimi ne administrim
Nëse njeri nga bashkëshortët, për një kohe te vazhdueshme, ndodhet jashtë gjendjes për te shprehur vullnetin e tij, ose nëse administrimi i bashkësisë nga ana e tij dëshmon për paaftësi ose keqbesim, bashkëshorti tjetër mund t’i kërkojë gjykatës te zëvendësoje atë ne ushtrimin e te drejtave te tij.
Bashkëshorti i privuar nga te drejtat e administrimit te bashkësisë mund t’i kërkojë gjykatës rikthimin e tyre, nëse provon se Janë zhdukur shkaqet e përjashtimit te tij nga administrimi.
Tejkalimi i te drejtave
Nëse njeri nga bashkëshortët tejkalon te drejtat e tij mbi pasurinë ne bashkësi, mund te kërkohet nga bashkëshorti tjetër anulimi i veprimit, nëse me vone ai nuk ka dhënë pëlqimin për këtë veprim:
Kjo padi mund te ngrihet brenda 1 viti nga data e marrjes dijeni për veprimin dhe, ne çdo rast, jo me vone se 1 vit nga mbarimi i bashkësisë.
Administrimi i pasurisë vetjake te bashkëshortit
Secili bashkëshort ka te drejte te administroje dhe te disponoje lirisht pasuritë vetjake. Nëse gjate martesës njeri nga bashkëshortët i beson tjetrit administrimin e pasurisë se tij vetjake, zbatohen rregullat e përfaqësimit.
Nëse njeri nga bashkëshortët administron pasurinë vetjake te tjetrit, me dijeninë e këtij te fundit dhe pa pasur kundërshtim nga ana e tij, konsiderohet se ka marre një akt përfaqësimi ne heshtje, qe mbulon veprimet e administrimit dhe te përdorimit, me përjashtim te tagrit te disponimit. Ne këtë rast, ai përgjigjet kundrejt bashkëshortit tjetër me cilësinë e përfaqësuesit dhe, nëse është rasti, detyrohet te dorëzojë vetëm frytet qe ekzistojnë, duke mos u përgjigjur për atë qe janë konsumuar.
Nëse njeri nga bashkëshortët, me gjithë kundërshtimin e tjetrit, administron pasurinë e tij vet jake dhe kryen veprime lidhur me te, përgjigjet për demin e shkaktuar dhe për frytet qe duhet te ishin marre. Ne këtë rast, bashkëshorti i dëmtuar ka te drejte te ngrejë padi për anulimin e veprimit te kryer, sipas kritereve te përcaktuara ne nenin 94 te këtij Kodi.
Mbarimi i bashkësisë
Bashkësia mbaron me:
a) vdekjen e njërit prej bashkëshortëve, shpalljen i zhdukur ose i vdekur te njërit prej tyre,
shpalljen te pavlefshme dhe zgjidhjen e martesës;
b) pjesëtimin e pasurive;
c) ndryshimin e regjimit pasuror martesor, kur sjell mbarimin e bashkësisë.
Ndalimi i pjesëtimit
Pjesëtimi i pasurisë nuk mund te behet gjate vazhdimit te bashkësisë, edhe ne rast te një marrëveshjeje te bashkëshortëve.
Pjesëtimi i pasurisë
Pjesëtimi i pasurisë ne bashkësi mund te kërkohet ne gjykate ne rast paaftësie dhe administrimit te keq te njërit prej bashkëshortëve, kur mënyra e administrimit te pasurisë prej tij ve ne rrezik interesat e bashkëshortit tjetër ose te familjes, ose kur njeri nga bashkëshortët nuk kontribuon për nevojat e familjes, ne proporcion me gjendjen e tij dhe me aftësinë për pune dhe kur ka ndodhur një pjesëtim faktik i pasurisë ne bashkësi.
Ndarja e pasurisë mund te kërkohet nga njeri prej bashkëshortëve ose nga përfaqësuesi i tij ligjor. Kreditoret e njërit bashkëshort nuk mund te kërkojnë vete ndarjen e pasurisë.
Vendimi i gjykatës për ndarjen ka fuqi qe nga data kur është paraqitur kërkesa dhe i vendos bashkëshortët nen regjimin e pasurive martesore te ndara, te parashikuar ne këtë Kod.
Kur procedura për pjesëtimin e pasurisë ka filluar, kreditoret mund te kërkojnë te njihen me kërkesën dhe dokumentet e paraqitura nga bashkëshortët, si dhe te ndërhyjnë ne seancën gjyqësore për mbrojtjen e te drejtave te tyre.
Depozitimi
Kërkesa dhe vendimi i ndarjes se pasurisë duhet te depozitohen pranë zyrës se gjendjes civile dhe, nëse është rasti, edhe ne regjistrin tregtar. Vendimi shënohet ne regjistrin e gjendjes civile, si dhe ne origjinalin e kontratës se martesës.
Kompensimet
Secili nga bashkëshortët duhet te kompensoje shumat e marra nga pasuria ne bashkësi, qe janë përdorur për qëllime te ndryshme nga ai i përmbushjes se detyrimeve te parashikuara ne nenin 81 te këtij Kodi.
Kompensimet dhe kthimet realizohen ne çastin e mbarimit te bashkësisë. Gjykata mund te autorizoje dhe te urdhërojë për ato ne çdo çast nëse e kërkon dhe e lejon interesi i familjes.
Pjesëtimi i pasurisë ne bashkësi
Pjesëtimi i pasurisë ne bashkësinë ligjore behet duke u nisur nga barazia e aktivit dhe pasivit te saj.
Pasi te jene zbritur nga bashkësia detyrimet qe ajo ka ndaj bashkëshortëve ose te tretëve, pasuria qe mbetet ndahet ne pjese te barabarta midis bashkëshortëve.
Gjykata, ne baze te nevojave te fëmijëve dhe nga fakti se kujt do t’i besohen ata, mund te vendose ne favor te një bashkëshorti kalimin e një pjese te pasurisë se bashkësisë qe i taken bashkëshortit tjetër.
Kur kompensimi behet ne dobi te njërit bashkëshort, ky i fundit merr nga pasuria e bashkësisë një shume te barabarte me vlerën qe bashkësia i detyrohet atij. Ne qofte se aktivi i pasurisë se bashkësisë është i pamjaftueshëm, bashkëshorti tjetër është i detyruar për diferencën.
Ne rastet kur aktivi i pasurisë nuk është i mjaftueshëm për te përmbushur detyrimet e bashkësisë ndaj te tretëve, kreditoret kane te drejte t’i drejtohen secilit prej bashkëshortëve, te cilët përgjigjen solidarisht. Bashkëshorti qe ka shlyer detyrimin e bashkësisë si me sipër, ka te drejtën e regresit ndaj bashkëshortit tjetër për pjesën e detyrimit te shlyer për llogari te tij.
Ne fillim te procedurës se pjesëtimit te pasurisë ne bashkësi, bashkëshortët ose trashëgimtarët e tyre kane te drejte te marrin pasurinë e luajtshme vetjake , qe u përkiste para bashkësisë ose qe ata e kane fituar gjate bashkësisë ne forme trashëgimie ose dhurimi. Ne mungese te provave te kundërta prezumohet se pasuria e luajtshme bën pjese ne bashkësi.
Marrja e vlerës ne rast te mungesës se papasurisë se luajtshme
Nëse pasuria e luajtshme nuk ekziston ne natyre, bashkëshorti age trashëgimtarët e tij kane te drejte te marrin vlerën e saj duke zbritur amortizimin e tij nga përdorimi ne bashkësi, me kusht qe mungesa e pasurisë te këtë ardhur për shkak te konsumit për përdorim, për shkak te shkatërrimit ose humbjes se saj ase për çdo shkak qe nuk mund t’i kundërvihet bashkëshortit tjetër.
Pjesëtimi i pasurisë se bashkëshortëve behet sipas këtij Kodi, Kodit Civil dhe Kodit te Procedurës Civile.
Literature: Kodi i Familjes
Punoi: Av. Mentor Bimi
almir tha:
Ne rast se pasuria e patundshme, apartament, eshte blere para martese nga njeri prej bashkeshorteve, me te ardhurat e tij, ndahet kjo pasuri ne rast divorci?? flm
studioligjore tha:
Pershendetje, kjo pasuri do trajtohet si pasuri individuale.
studioligjore tha:
Pershendetje kjo pasuri do trajtohet si pasuri vetjake dhe nuk klasifikohet ne rrethin e pasurise bashkeshortore.
almirim tha:
Ne rast se pasuria e patundshme eshte blere para martese , nga njeri prej bashkeshorteve me te ardhurat e tij, a ndahet kjo pasuri ne rast divorci??
flm
studioligjore tha:
Nese pasuria eshte fitur para martese dhe bashkeshorten nuk kane percaktuar ndyshe permes kontrates paramartesore, ajo quhet pasuri personale dhe nuk eshte pjese e rregjimit te pasurise ne bashkesi.
Eli tha:
po ne rastin kur 3 femijet me jane lene mua per rritje dhe edukim , a perfitoj diqka me shume nga pasuria e paluajtshme,dhe 1 shtepi ne proqes legalizimi a mund te ndahet me vendim gjykate
studioligjore tha:
Pershendetje Znj. Eli,
Nje pasuri qe nuk eshte e regjistruar prane ZRPP nuk mund t’i nenshtrohet pjestimit vullnetar apo gjyqesor, vetem pasi behet ky regjistrim mund te te fillohet procesi i pjestimit. Ne procesin gjyqesor qe zhvillohet ne pjesetimin e pasurise se palujtshme mbahet ne konsiderate fakti i nevojes per banim per cdonjerin nga bashkepronaret dhe ne rastin tend mund te marri vlere ky fakt.
Te uroj gjithe te mirat.
ilme tha:
Nese njeri nga bashkeshortet (burri) eshte bashkepronar me vellezerit ne nje pasuri te trasheguar nga i ati por qe nuk eshte e ndare mes tyre akoma, ne rast te nje divorci gruaja dhe femijet mbi 18 vjec a perfitojne nga kjo pasuri e bashkeshortit/babait te tyre? Flm
studioligjore tha:
Pershendetje,
Pasuria qe ju pershkruani ne komentin tuaj do konsiderohet si pasuri vetiake dhe nuk klasifikohet si pasuri bashkeshorteve. Duke qene e tille bashkeshortia nuk mund te kete pretendime per kete pasuri, ndersa femijet mund te perfitojne nga pasuria permes trashigimise ligjore ose testamentare, ose permes nje veprimi juridik per tjetersimin e pasurise (shitjet, dhurim).
Te uroj gjithe te mirat.
ilme tha:
Pershendetje,
Faleminderit per pergjigjen, e vleresoj shume.
Ju lutem mund te me sqaroni dhe dicka te vogel. Edhe nese kjo pasuri e perbashket e trasheguar eshte shtuar e zmadhuar si kontribut i punes nder vite dhe te bashkeshortes? Sepse pasuria e trasheguar ka qene shume me e vogel nga cka eshte aktualisht. Ne kete rast nuk merret fare ne konsiderate kontributi i saj nder vite?
Faleminderit.
studioligjore tha:
Pershendetje,
Ne rastin konkret normalisht qe mund te kerkohet kompensimi per pjesen qe eshte shtuar ne pasurine e perbashket, per sa kohe qe shtimi eshte bere gjate marteses dhe nese vertetohet se shtimi eshte bere nga kontributi i perbashket e bashkeshorteve.
gjeorgjina tha:
Pershendetje,
Pasuria qe ju pershkruani ne komentin tuaj do konsiderohet si pasuri vetiake dhe nuk klasifikohet si pasuri bashkeshorteve. Duke qene e tille bashkeshortia nuk mund te kete pretendime per kete pasuri, ndersa femijet mund te perfitojne nga pasuria permes trashigimise ligjore ose testamentare, ose permes nje veprimi juridik per tjetersimin e pasurise (shitjet, dhurim).
Te uroj gjithe te mirat.
ilme tha:
Faleminderit
tela tha:
nese dy bashkejetues ,pra bashkeshorte pa lidhur martese ligjore, kane nje pasuri te paluajteshme te rregjistruar rregullisht ne emer te te dyve ,por kane edhe nje kredi bankare te pashlyer ende, cila do te jete procedura e pjestimir tre pasurise por dhe te borxhit (kredise bankare ) Ju faleminderit
V.Toshi tha:
Pershendetje.
Jam i divorcuar ketu e tre vjet.Kam dy femije 18 dhe 16 vjec .Posejdoj nje apartament te fituar gjate marteses 50% secili .Si do ndahet kjo pasuri perfitojne femijet nga perpjestimi dhe sa. Pensionin ushqimor e paguaj rregullisht ne Greqi ku banojme .Per djenine tuaj nga nje prone tjeter te perfituar ne Greqi me kredi qe per fat te keq nuk e shkruajta as 50% mbi vete gjykata greke me njohu perfitimet si bashkeshort gjate marteses por nuk me njohu te drejtat si shqiptar sepse ish bashkeshortja u be “Greke” kishte zgjidhje por shume e kushtushme sikur ta blije nga e para
Faleminderit.
ana tha:
Vjehrra ime ka nje shtepi ne emer te saj qe ja ka lene me testament bashkeshortit tim. Ne momentin kur ajo nderron jete, prona behet vetem e bashkeshortit dhe une nuk marr asgje ne rast ndarjeje? Po nese ajo vendos qe t’ia kaloje qe tani ne emer vetem atij, ne rast ndarjeje un mar dicka?
studioligjore tha:
Pershendetje, fillimisht te kerkoj ndjese per voneses e pergjigjes,
Ne lidhje me pyetjen tuaj, pasurite qe fitohen permes trashigimise ligjore ose testamentare behen pjese e pasurise vetjake te bashkeshortit. Keshtu qe nese bashkeshorti yt fiton kete pasuri nga trashigimia, ajo behet vetem e bashkeshortit, e njejta gje ndodh dhe nese vjerra juaj ia kalon tani pronesise bashkeshortit tend, me kontrate dhurimi. E vetmja mundesi qe ti te behesh bashepronare mbi ate pasuri eshte vetem nese vjerra jote ben nje kontrate shitje me bashkeshortin tend, edhe pse nuk vendoset emri jote te kontrate, per efekt te ligjit ti behesh bashkeponare si pasuri bashkjeshortore.
Uroj te kem qene i qarte.
Gjithe te mirat,
Av. Mentor Bimi.
t.lela tha:
pershendetje jam e divorcuar ish burri e ka shitur shtepin pa firmen time para dhjete vjetesh
studioligjore tha:
Pershendetje,
Te kerkoj ndejse per vonesen e pergjigjes, ne lidhje me faktin qe ju pretendoni qe eshte shitur pasuria pa vullnetin tend, keni mundesi qe ti drejtoheni gjykates ku te kerkoni pavlefshmeri te kontrates se shitjes, te paditet ish bashkeshorti yt dhe personi qe ka fituar pronesise nga kontrata e shitjes.
Aida tha:
pershendetje,
Jam ne proces divorci. kam dy femije te moshes 4 dhe 11 vjec. Ne jemi martuar ne vitin 2004, dhe ne vitin 2007 kemi blere nje apartament.
une nuk kam punuar asnjehere dhe se kjo pasuri eshte blere vetem me parate e bashkeshortit pasi vetem ai punonte.
Ne vitin 2014 kemi bere nje deklarate noteriale ku une e paditura kam shprehur se nuk kam kontribut per pasurine e blere gjate marteses.
jam ne dilemi nese mund te perfitoj nga kjo pasuri pasi me thone se nuk mund te perfitoj pasi kam hequr dore nga pasuria me deklaraten e bere.
do ju falenderoja nese me jepni nje pergjigje per situaten time
Fredi tha:
Pershendetje,kam nje truall dhe nje shtepi ndertuar mbi te, trualli eshte me letra dhe eshte ne emer te babait kurse shtepia eshte akoma ne proces legalizimi, prinderit po ndahen dhe doja te dija nese mund te ndahet edhe shtepia? Une jam mbi 30 vjec dhe jam akoma ne certificate familiare me prinderit dhe kam dhene 80 perqind te parave por nuk kam asnje dokument per ta vertetuar,pervec fjales te njerit nga prinderve dhe 4 vellezerve.
studioligjore tha:
Pershendetje!
Ne lidhje me pyetjen tuaj, kam kete pergjigje !
Trualli nese eshte fituar gjate marteses, panvaresisht se mund te jete i regjitruar vetem ne emer te babait tend, eshte ne bashkepronesi dhe me nenen tende.
Per sa i perket shtepise, nuk mund te behet pjesetimi per shkak se nuk eshte i regjistruar ne ZRPP, ka nje vendim unifikues te Gjykates se Larte qe e ndalon kete fakt.
Ne lidhje me piken tjeter qe pretendoni se ndertimi i asaj shtepie eshte ne 80 % kontribut i yti, mund te marresh fillimisht nje deklarate me shkrim ose para noterit, ku vellezerit dhe prindi qe e pranon kontributin tend, deklarojne kete fakt, ne menyre qe ta kesh si prove per nje proces te mundshmem ne te ardhmen.
Me respekt,
Av. Mentor Bimi
almirim tha:
Pershendetje
Doja tju pyesja ne rast se njeri nga bashkeshortet ka nje prone vetem me emrin e tij ne certifikate pasurie dhe ne rast se nderron jete, prona i kalon bashkeshortes dhe femijeve apo mund te kete pretendues te tjere si psh motra e vellezer ???
Ne rast se mund te kete pretendues te tjere si mund te veproje bashkeshorti ( para se te nderroje jete) qe tia kaloje bashkeshortes dhe ose femijeve qe mos te kete pretendues te tjere ??
Falminderit per kohen tuaj.
studioligjore tha:
Pershendetje,
Per sa i perket trashigimise ligjore, ne rradhe te pare trashegojne basheshorti dhe femijet, motrat dhe vellezerit jane trashegimtare te rradhes se trete. Ne rastin konkret nuk ekziston rreziku qe ju me paraqisni.
almirim tha:
pershendetje
almirim tha:
pershendetje
Doja te dija: Nqs njeri nga bashkeshortet ka nje pasuri vetem me emrin e tij ne certifikaten e pasurise, dhe ne rast se ndrron jete , kush jane perfituesit, bashkeshortja me femijet?? apo mund te kete kete dhe pretendues te tjere??
Ne rast se mund te kete perfitues te tjere si mund te veproje bashkeshorti ( para se te nderroje jete ) qe tia leje bashkeshortes dhe femijeve pronen ?? qe te mos dalin pretendues te tjere??
Faleminderit per kohen tuaj
Leo tha:
Un jetoj me prinderit e mi dhe jemi 4 femije te gjithe jan te martuar dhe te ndare shtepia eshte ne emer te babit dhe te nenes time babai na ka vdekur ka dy viet dhe nena ime don tja dhuroi shtepine djalit Tim te vogel mir Po nji vlla i imi pretendon pjese kur nuk i takon te lutem nena ime si duhet te veproj qe shtepine tja dhuroi djalit Tim te vogel a duhet te formosi n femi jet e tjere me qe babai me ka vdekur apo vetem nena ime mund tja dhuroi djalit Tim pa pretura njeri fal inserir
studioligjore tha:
Pershendetje,
Per sa i perket rastit konkret me vdekjen e babait, nese ai nuk ka lene testament duhet te leshohet deshmia e trashigimise ligjore. Si trashigimtare ligjor nga ajo qe ju me shkruani, per babait tuaj, jane nena dhe ju 4 femijet, duke trasheguar sejcili 1/5 e pasurise trashegimore. Pra nena jote mund te disponoje vetem pjesen e vet takuese duke e dhuruar ate qe eshte 1/2 e pasurise bashkeshortore (nese ajo eshte fituar gjate marteses) dhe 1/5 e gjysmes tjeter qe qene ne emer te babait dhe qe nena e ka fituar permes trashigimit. Pra nena jote s’mund te dhuroje te gjithe pasurine sepse nuk eshte pronare e te gjithes.
Albana tha:
Përshëndetje .do të dija ju lutem. Nëse ligji shqiptar e përmban 1 kontratë apo deklaratë të ndarjes së pasurive? Kjo deklaratë. Kontratë behet para martese apo dhe pas? Jam e fejuar dhe te 2nuk kemi asnjë pasuri. Kemi vendosur për ndarjen e pasurive .por nuk jemi të qartë se cfar duhet të bejm dhe e kam te paqartë se duhet ndo 1 kontratë ,deklaratë pata martese apo mund të bëhet dhe mbas. Do jua dija shumë për faleminderit nëse përgjigjeni.
studioligjore tha:
Pershendetje,
Per sa i perket pyetjes qe ju me drejtoni, per regjinim pasuror, ai mund te percaktohet para lidhjes se marteses qe bashkeshortet e ardhshem paraqiten para noterit dhe lidhin kontraten per percaktimin e regjimit pasuror. Kjo kontrate depozitohet dhe ne Zyren e Gjendjes Civile.
Albana tha:
Ju falënderoj. Pa mas qe u pergjigjet
Xxxxxxxx tha:
Pershendetje! Po ne rastin kur prona ,ne kete rast shtepia eshte blere para celebrimit a behet ndarja e kesaj pasurie mes te dy bashkeshortve?
studioligjore tha:
Pershendetje, sic eshte theksuar ne tekstin e mesiperme , ne rregjimin ne bashkesi (bashkeshortore) perfshihen pasurisë e fituara gjate marteses dhe ajo ato te fituara para lidhjes se marteses.
Me respekt !
Av. Mentor Bimi.
Mimi tha:
Pershendetje,
Nese nje prone e patundeshme e trasheguar nga prinderit, pas marteses i dhurohet bashkeshortit me akt dhurimi, sa te drejte mbi kete prone ka dhuruesja ne rast divorci te mundshem?
A mundet bashkeshorti, qe u be pronar i kesaj prone ta shese pa deshiren e bashkeshortes/dhurueses?
Faleminderit !
Gjergj tha:
Mirmbrema
Me falni po dal pak fare nga nga fusha.
Jam bashkpronar me 2/9 pjese te trasheguar nga stergjyshi e nje prone truall 336.5m2 + 3 ndertesa te legalizuara total 145.4m2 + 1 ndertese e palegalizuar 35m2.
Familjaret 7/9 pjese kerkojne me gjygj perpjestimin e prones sepse nje ndertues ka propozuar te beje nje pallat. Une nuk jam dakort me ate person sepse ne te vertete sipas te dhenave ne QKB nuk eshte ndertues, por kemi gjetur nje ndertues tjeter qe ofron me sume dhe eshte i besueshem. Por 7/9 nuk pranojne.
A eshte e ndashme kjo prone per arsye tjetersimi pa prishur perdorimin e pjeses sime dhe cfare mund te pres nga gjygji?
Ju falenderoj
studioligjore tha:
Pershencdetje Gjergji,
E lexova me vemendje situaten taktike dhe ligjore qe paraqet. Gjykimi per pjesetim gjyqesor kerkon qe doemos gjykata te caktoje nje ekspert, per te realizuar projekt pjesetimin, duke dhene mendimin nese sendi mund te ndahet ne natyre dhe nese, po si do ndahet. Ne gjykim kjo merr diskutimin me te madh. Nese eksperti arrin ne perfundimin qe sendi nuk mund te ndahet ne natyre dhe ai nuk eshte shtepi banimi behet shitja ne ankand e sendit. Nese sendi ndahet ne natyre, por nga ana tjeter krijon pabarazi, behen kompensime me para.
Por meqe tashme bashkepronaret e tjere kane hapur gjyqe ndaj teje, duhet te luftosh ne kete pike, qe pjesa jote takuese te mos cenohet.
Te uroj gjithe te mirat.
Lora tha:
Përshëndetje.
Neve jemi 3 Femijë, Babai dhe Nëna ime privatizuan Apartamentin ne kohen e Privatizimeve.
Disa vite më pas ato u Divorcuan, si rrjedhoj Babai i pagoi Nenes sime pjesën takuese në vlerë Monetare.(Nëna mori kujdestarin e 2 Femijeve, ndersa Babai vetem te 1 Femije)
Me pas Babai jonë u rimartua, dhe nga kjo Martesë nuk pati Femije me Gruan e dyte.
Pyetja ime eshte meqe edhe Njerka tashme nderroi Jetë, Shtepia a na takon ne 3 Femijeve?
A mundet Gruaja e dyte(pra Njerka jonë) te ket pjese tek kjo Shtepi e gjetur aty dhe jo e krijuar pas Martese?
Sepse edhe pse Njerka nuk pati Femije me tim Atë ajo ka Vellezer gjallë!
Pra Njerka erdhi ne Shtepin e Babait.
Faleminderit paraprakisht.